ಇಳಿದು ಬಾ ತಾಯಿ ,ಇಳಿದು ಬಾ ...

ಜಟಿಲ ಕಾನನದ ಕುಟಿಲ ಪಥಗಳಲಿ

ಹರಿವ ತೊರೆಯು ನಾನು.

ಎಂದಿಗಾದರು ಕಾಣದ ಕಡಲನು

ಸೇರಬಲ್ಲೆನೇನು?

ಸೇರಬಹುದೇ ನಾನು?

ಕಡಲ ನೀಲಿಯೊಳು ಕರಗಬಹುದೇ ನಾನು?

-          ಜಿ ಎಸ್ ಎಸ್

ಜಲಪಾತ ಎಂದಾಗ ನೆನಪಿಗೆ ಬರುವುದು ಜೋಗದ ಸಿರಿ , ಭರಚುಕ್ಕಿಯ ಭಾರ ,ಗಗನಚುಕ್ಕಿಯ ವಿಸ್ತಾರ !ಪಶ್ಚಿಮ ಘಟ್ಟಗಳು ತನ್ನ ಒಡಲಿನಲ್ಲಿ ಮುಚ್ಚಿಟ್ಟಿರೋ ಜಲಪಾತಗಳು ಅದೆಷ್ಟೋ ! ನಿಭಿಡ ಪರ್ವತ ಸಾಲುಗಳಲ್ಲಿ , ದಟ್ಟ ಕಾನನದ ಮದ್ಯೆ , ನಿಶ್ಯಬ್ದತೆಯ ಹುಟ್ಟಡಗಿಸಿ ಭೋರ್ಗರೆಯುವ ಜಲಧಾರೆಗಳು ನಮ್ಮೆಲ್ಲರ ಹೆಮ್ಮೆಯ ಆಸ್ತಿ !

ಮಳೆಗೆ ಮೈದುಂಬಿ ಧುಮ್ಮಿಕ್ಕುವ , ಮಂಜಿನ ಮುಸುಕಿನಲ್ಲಿ ಮಲಗಿರುವ , ಹಸಿರ ಹೊನಲಿನಲ್ಲಿ ಹೊಳೆಯುವ ಜಲಪಾತಗಳು ಬಿಡುಗಡೆಯ ಸಂಕೇತ .  ಬಿರು ಬೇಸಿಗೆಯ ಬೇಗೆಯಲಿ ಬೆಂದು ಬೇಸತ್ತ ಮನಕ್ಕೂ ಮುದ ನೀಡುವ ಅಂತಹ ಕೆಲವು ಜಲಪಾತಗಳ ಚಿತ್ರಗಳು ಇಲ್ಲಿವೆ. ನೋಡಿ ,ಆನಂದಿಸಿ ;)

ದಬ ದಬನೆ ಧುಮುಕುವ ದಬ್ಬೆ!

ಕೋಲ್ಮಿಂಚಿನಂತಿರುವ ಬೆಳ್ಳಿ ಗುಂಡಿ

ಗುಂಡ್ಯದ ಗೊಂಡಾರಣ್ಯದಲ್ಲಿ ಕನ್ನಿಕೈ

ಸುಂದರ ಕೊರಕಲನ್ನು ಕೊರೆದ ಅಪ್ಸರಕೊಂಡ

ಬೇಸಿಗೆಯ ಅಂಚಿನಲ್ಲಿ ಅಳಿಯದೆ ಉಳಿದ ಶಿವಗಂಗೆ

ಮಳೆಗಾಲದ ಮಾಯೆ - ಸಾತೊಡ್ಡಿ

ಮಂಜಿನ ಮರೆಯಲ್ಲಿ ಮಾಗೋಡು

ಹಾಲ್ನೊರೆಯ ಸಾಗರ - ದೂದ್ ಸಾಗರ್ 

ಬಿಡುಗಡೆಗೆ ಮುನ್ನ ! ಬರ್ಕಣ ಜಲಪಾತದ ಮೇಲಿನ ಭಾಗ...

ಬೇಸಿಗೆಯಲ್ಲೂ ಬಿಸಿಲು ಕಾಣದ ದಟ್ಟ ಕಾಡಿನ ಮಗಳು - ಮಗೆಬೈಲು